ពលរដ្ឋ បុរីកី ឡា ដែល ត្រូវ បាន គេ ដឹក យក ទៅ ចាក់ ចោល ដូច សំរាម ឲ្យ តាំង លំ នៅ ថ្មី កណ្ដាល ទី វាល រហោ ស្ថាន
លោក ចាន់ សូវ៉េត មន្ត្រីស៊ើបអង្កេតរបស់អង្គការសិទ្ធិមនុស្សអាដហុក បានថ្លែងប្រាប់ទស្សនាវដ្ដីសារព័ត៌មានសេរី នៅព្រឹកថ្ងៃព្រហស្បតិ៏ ទី១២ មករា នេះថា ” ពេលនេះ អាជ្ញាធរមិនអនុញ្ញាតិ ក្រុមសង្គមស៊ីវិលចូលទៅឃ្លាំមើលប្រជាពលរដ្ឋដែលត្រូវគេប្រមូលយក ទៅឃុំនោះទេ ។ សំណើររបស់ពួកគាត់មិនទាន់បានដោះស្រាយផង បែរជាចាប់ពួកគាត់យកទៅព្រៃស្ពឺ ។ មជ្ឍមណ្ឌលព្រៃស្ពឺជាកន្លែងសម្រាប់ដាក់អ្នកប្រើប្រាស់គ្រឿងញៀន អ្នកអនាធិបតេយ្យ អ្នកខ្ចាត់ព្រាត់ទេ , ពួកគាត់មិនមែន ជាមនុស្សយ៉ាងហ្នឹងទេ ហេតុអ្វីក៏ភ្នាក់ងាររដ្ឋាភិបាលធ្វើអញ្ចឹង ,នេះជាការប្រមាថកាតទានប្រជាពលរដ្ឋ ជាការមើលងាយសិទ្ធិមនុស្សខ្លាំងណាស់ , ជាការបង្ហាញឲ្យឃើញការរំលោភសិទ្ធិមនុស្សកាន់តែខ្លាំង ទៅៗ..” ។
ប្រជាពលរដ្ឋបុរីកីឡាប្រមាណ៤០នាក់ ក្នុងចំណោមប្រជាពលរដ្ឋ ជិត៣រយគ្រួសារដែលផ្ទះរបស់ពួកគេត្រូវបានបំផ្លាញដោយអាជ្ញាធរ ក្រុងភ្នំពេញកាលពីថ្ងៃទី៣មករា បានលើកគ្នាមកតវ៉ានៅខាងមុខសាលាក្រុងភ្នំពេញ កាលពីថ្ងៃពុធម្សិលមិញ ទាមទារឲ្យអាជ្ញាធរក្រុងដោះស្រាយសំណើ៣ចំណុចរបស់ពួកគេ ដែលក្នុងនោះរួមមាន៖
១.ទាមទារឲ្យដោះលែងគ្នាគេ៨នាក់ដែលអាជ្ញាធរបានចាប់ខ្លួនកាលពី ថ្ងៃទី៣មករា ។ ២. ទាមទារឲ្យក្រុមហ៊ុន ផានអ៊ីម៉ិច សាងសង់អគារឲ្យគ្រប់១០ល្វែងតាមកិច្ចព្រមព្រៀង សម្រាប់ផ្ដល់ឲ្យក្រុមអ្នកភូមិបុរីកីឡា និង ទី៣.ទាមទារឲ្យអាជ្ញាធរសងការខូចខាតបាត់បង់ទ្រព្យសម្បត្តិ ចំពោះការបណ្ដេញជម្លៀសដោយបង្ខំ កាលពីថ្ងៃទី៣មករា ។
ប៉ុន្តែ ពុំទាន់បានទទួលចម្លើយពីសាលាក្រុងផង សម្រាប់តែកម្លាំងអាជ្ញាធរ ប្រមូលចាប់ក្រុមអ្នកតវ៉ាទាំងនោះបោះឡើងឡាន ដូចជ្រូក ដឹកយកទៅឃុំឃាំងនៅ មណ្ឌល ព្រៃស្ពឺ ក្នុងខណ្ឌដង្កោជាយក្រុងភ្នំពេញ ៕
No comments:
Post a Comment