ហ៊ុន សែន បានថ្លែងដោយកំហឹងទៅកាន់អ្នកចូលរួមយ៉ាងនេះថា ” សូមផ្ដាំម្ដងទៀត ភូមិទេសវតា រុក្ខទេវតា អាកាសទេវតា ប៉ុន្មានហ្នឹងគេអត់ដូរទេ .. ទាល់តែអស់ខ្យល់ ។ ឧបមាថា ទាល់តែដើមឈើហ្នឹងងាប់ បានទេវតា ហ្នឹង គេដូរ… ” ។
ការលើក ឡើង បន្ទាប់ពីនាយករដ្ឋមន្ត្រីខ្មែររូបនេះ បានស្ដាប់ដឹង ការអត្ថាធិប្យាយដែលគេសង្ស័យថា ធ្វើឡើង ដោយប្រធានស្ដីទីគណបក្សសម រង្ស៊ីលោក គង់ គាំ នៅក្នុងឱកាសជួបជាមួយក្រុមអ្នកគាំទ្រ នៅ ក្នុងខេត្តកណ្ដាល ហើយត្រូវបានលើកយកមកចាក់ផ្សាយបន្តដោយ វិទ្យុ សម្លេង ប្រជាធិបតេយ្យ (VOD) ថា ទេវតាប្រចាំឆ្នាំ មានការផ្លាសប្ដូរ តែ ទេវតាគណបក្សប្រជាជន អត់ផ្លាសប្តូរសោះ ។
វោហាសព្ទនេះ បានដុតរោល ហ៊ុន សែន ឲ្យច្រឡោតដោយប្រើប្រាសភាសាអសុរោះគ្រោតគ្រាត ដ៏ពិបាកស្ដាប់ថា ” វានិយាយចុះនិយាយឡើង សំដៅឲ្យទោ តែមកខ្ញុំហ្នឹងអ្ហា៎.. ។ សូមផ្ដាំទៅវិញ ឯងមានសិទ្ធិធ្វើនយោបាយ អញ ក៏មានសិទ្ធិធ្វើនយោបាយដែរ ..និយាយឲ្យច្បាស់មើល៎ ..បារមីលោកយាយម៉ៅអ្ហាយ៎…មើលពួកហ្នឹងផងមើល វាយ៉ាងម៉េច…វាចង់ដាក់ផ្លែផ្កាសូម្បីតែទេវតាក៏នៅតែគេដូរ ..មួយឆ្នាំគេដូរម្ដង , ចុះលោកឯងធ្វើបក្សប្រឆាំងហ្នឹង ម៉េចក៏មិនដូរផងអ្ហែង..” ។
ដោយបាននិយាយប្រុងជើងការមុន ពីការដែលខ្លាចមានរឿងចៃដន្នណាមួយកើតឡើង ពីការដែលមេដឹកនាំបក្សប្រឆាំង ដកខ្លូនឈប់ធ្វើជាមេបក្សប្រឆាំង ជាថ្នូរឲ្យ ហ៊ុន សែន ចុះចេញពីតំណែងនាយករដ្ឋមន្រ្តីនោះ នាយករដ្ឋមន្ត្រីរូបនេះ បានបញ្ជាក់ដូច្នេះថា ” តែនិយាយអញ្ចឹងតិចលេងថ្នូរថា អ្ហូ៎ អញឈប់ធ្វើមេបក្សប្រឆាំងអ្ហើយ ហើយដូរជាថ្នូរជាមួយ ហ៊ុន សែន ឯងឈប់ធ្វើនាយករដ្ឋមន្ត្រី អញមិនដូរជាមួយទេវ៉ើយ អញប្រាប់ឲ្យហើយ….គណបក្ស ឧទ្ទេសនាមបន្ត រឿងអី…អញមិនទាន់ងាប់ទេ ។ ហើយអាអ្នក ដែលចង់ដូរនោះអ្ហូ៎ វាអាយុច្រើនជាងខ្ញុំ…” ។
នេះជាការបញ្ជាក់ជាថ្មីទៀត សម្រាប់ឆ្នាំ ២០១២ នេះ ខណៈជាញយដង មេដឹកនាំខ្មែររូបនេះ តែងតែ បានធ្វើការប្រកាសជាសាធារណៈ អំពីការគ្រប់គ្រងអំណាចកម្ពុជា រហូតដល់ចាស់ងាប់នោះ ៕
No comments:
Post a Comment