រតិកម្មហោណាំហុងជាឥរិយាក្បត់ជាតិ?

ចំពោះលោកនួនជា យើងឧប្បមាថា គាត់ជាឃាតករម្នាក់ដ៏ឃោឃៅចុះ តែយ៉ាងណាទោះបីជាគាត់ដឹងថា គាត់ថ្លែងយ៉ាងណាក៏គាត់មិនរួចខ្លួន តែគាត់ប្រឹងថ្លែងបើកកកាយ រឿងរ៉ាវប្រវត្តិសាស្រ្ត ពិសេសទាក់ទងនឹងប្រទេសវៀតណាម។
លោកនួនជា​បានថ្លែងថា ប្រទេសវៀតណាម ជាអ្កកដើមចម នាំឲ្យមានការសម្លាប់រង្គៀលនៅកម្ពុជា ត្បិតប្រទេសវៀតណាម បានលួចដាក់បង្កប់ គិញសំងាត់គ្រប់ច្រក់ល្ហក់នៅក្នុងប្រទេសកម្ពុជា និងបំផុសចលនាបះបោល នាំឲ្យមានការច្របូកច្របល់សង្ស័យគ្នានៅក្នុងកម្ពុជា រហូតដល់មានការ ចាប់សម្លាប់ បំណងស្វែងរកគិញវៀតណាម ដែលនាំឲ្យខ្មែរបាត់បាត់ជីវិតរាប់លាននាក់។
ការចោទនេះ សូម្បីតែប្រទេសវៀតណាម ដែលទទួលការចោទនោះ ក៏មិនហ៊ានចេញមុខបកស្រាយផង ឥរិយានេះ បង្ហាញថា បើវៀតណាមមិនដូច ខ្លះនៅក្នុងការបកស្រាយរបស់នួនជាទេ វៀតណាមមុខតែចេញមុខបកស្រាយភ្លាមៗហើយ ព្រោះគ្មានប្រទេសណាមួយ ដេកជាសុខ​ចំពោះការ ឆ្លើយដាក់ ទាក់ទងបទឧក្រិដ្ឋធ្ងន់ធ្ងរបែបនេះឡើយ។
ចៃដន្យអី កម្ពុជាតាមរយៈលោកហោណាំហុង បែជាថ្លែងថា លោកនួនជា ជាមនុស្សមិនល្អ ឆ្លើយយកតែរួចខ្លួន ដើម្បីដោះបន្ទុក ដែលសម្តីនេះ សមតែប្រទេសវៀតណាមទេដែលត្រូវឆ្លើយ ម្តេចក៏លោកហោណាំហុងទៅឆ្លើយជំនួសទៅវិញ ឬមួយក៏កម្ពុជា ពិតជាកូនជឹងរបស់វៀតណាមដូច បក្សប្រឆាំងសង្ស័យមែន។
ពាក្យសម្តីលោកហោណាំហុង អាចត្រឹមត្រូវ តែវាក៏អាចក្លាយជាអាវុធបំផ្លាញយុត្តិធម៌សម្រាប់ជាតិខ្មែរផងដែរ។ ពោលបើវៀតណាមពិតជាដូចលោក នួនជានិយាយមែន នោះមានន័យថា វៀតណាមជាឧក្រិដ្ឋជនមួយហើយ ដែលត្រូវទទួលខុសត្រូវចំពោះបញ្ហានៅកម្ពុជា។ ពោលគឺវៀតណាម គឺជាសត្រូវរបស់កម្ពុជាមួយដែរ។ ចុះម៉េចក៏លោកហោណាំហុងទៅកាន់
ជើងជនខិលខូចទៅវិញ? ឬក៏រឿងនេះ មានពាក់ព័ន្ធនឹងគាត់ដែរ?
សម្បត្តិខ្មែរទទួលស្គាល់ថា លោកនួនជា​ជាឃាតក​តែសម្បត្តិខ្មែរ នៅតែយកចិត្តទុកដាក់ស្តាប់សម្តីបកស្រាយរបស់គាត់ ព្រោះសម្បត្តិខ្មែរដឹងថា គាត់ក៏ជាខ្មែរម្នាក់ គាត់មុខតែនិយាយដើម្បីផលប្រយោជន៍ខ្លះមិនខាន ដូច្នេះ ឃាតករក៏មានចំណុចល្អចំពោះខ្មែរ ជាងជាតិដទៃដែរ។
ចំពោះរឿងវៀតណាម សម្បត្តិខ្មែរមិនយល់ដូចលោកហោណាំហុងទេ សម្បត្តិខ្មែរយល់ថា គាត់និយាយការពារខ្លួនពាក់កណ្តាល គាត់និយាយ បកស្រាយការពិតពាក់កណ្តាល ពិសេសសទាក់ទងនឹងនយោបាយឈ្លានពានរបស់វៀតណាមមកលើកម្ពុជា។