| ពិភពផែនដីនាដំណាក់កាលចុងក្រោយនេះ បានប្រឈមចំពោះការប្រែប្រួលផ្លាស់ប្ដូរគួរឲ្យភ័យខ្លាច។ ក្នុងនោះមានដូចជារលកស៊ូណាមិក គ្រោះទឹកជំនន់ ខ្យល់ព្យុះ បន្ទុះភ្នំភ្លើង ។ល។ និង ។ល។ដែលបង្កឲ្យមានមហន្តរាយយ៉ាងធ្ងន់ធ្ងរដល់ទ្រព្យសម្បត្តិ និង ជីវិត ។ |
កាលពីខែមិនាកន្លងទៅប្រទេសជប៉ុន បានទទួលរងការបំផ្លាញយ៉ាងខ្ទីចខ្ទាំចំពោះហេដ្ឋារចនាសម្ព័ន្ធរបស់ខ្លួន និង បណ្ដាលឲ្យប្រជាពលរដ្ឋប្រមាជាង១ពាន់នាក់ស្លាប់បាត់បង់ជីវិតដោយរលកយក្សស៊ូណាមិក , ចំណែកនៅប្រទេសសៀម ដែលជាប់ភូមិផងរបងជាមួយខ្មែរឯហ្នេះវិញ ក៏មានប្រមាណជិត៥រយនាក់ដែរស្លាប់ ដោយគ្រោះទឹកជំនន់ដែលចាប់ផ្ដើមកាលពីខែកញ្ញា , ហើយកម្ពុជា ក៏ដូច្នេះដែរ ។ រហូតមកដល់ពេលនេះ រដ្ឋាភិបាលខ្មែរ នៅតែបន្តអំពាវនាវរក ជំនួយដើម្បីសង្រ្គោះពលរដ្ឋដែលរងគ្រោះដោយទឹកជំនន់ ។ ដែលជាមួយការស្លាប់ប្រជាពលរដ្ឋ ប្រមាណជិត៣រយនាក់ កម្ពុជាក៏បានបង្ហាញឲ្យដឹងផងដែរថាខ្លួនបានខាតបង់ប្រាក់រាប់លានដុល្លារដែរ បណ្ដាលមកពីគ្រោះទឹកជំនន់ដែលមិនធ្លាប់ជួបប្រទះនេះ ។
ទាំងនេះគឺជាសញ្ញាដ៏អាក្រក់មួយសម្រាប់ពិភពផែនដី ដែលជាញយដងពួកបរិស្ថានបានអំពាវនាវដល់បណ្ដាប្រទេសនានា ឲ្យបញ្ឈប់ជាបន្ទាន់រាល់សកម្មភាពបំផ្លាញបរិស្ថាន ដែលរួមមានដូចជា ការកាប់បំផ្លាញព្រៃឈើ ការភាយឧស្ម័ន ការបំផ្លាញស្រទាប់ផែនដីដើម្បីទាញយករ៉ែ ដោយខ្វះ មូលដ្ឋានបច្ចេកទេសជាដើម ។ដែលសុទ្ធសឹងតែជាដើមចមបណ្ដាលឲ្យមានគ្រោះថ្នាក់ធម្មជាតិ ។កម្ពុជាដែលត្រូវបានគេកំណត់ចូលក្នុងចង្កោមប្រទេសដែលបានធ្វើសកម្មភាពបំផ្លាញបរិស្ថានធ្ងន់ធ្ងរ ដែលក្នុងនោះជាក់ស្ដែង មានការកាប់បំផ្លាញព្រៃឈើដ៏មហន្តរាយ ការរុករក រ៉ែយ៉ាងអនាធិបតេយ្យ ជាពិសេសនោះ គឺការដែលរដ្ឋាភិបាលនេះផ្ដល់លទ្ធភាពយ៉ាងទូលាយដល់បណ្ដាក្រុមហ៊ុន បរទេស ក្នុងការបង្កើតឲ្យមានរោងចក្រវារីអគ្គិសនី ដែលធ្វើឲ្យប៉ះពាល់យ៉ាងធ្ងន់ធ្ងរដល់បរិស្ថានផ្ទៃទឹក ត្រី ជីវចម្រុះ និង ជីវិតមនុស្សសត្វ ។
ប៉ុន្តែម្ដងហើយម្ដងទៀត នាយករដ្ឋមន្ត្រី ហ៊ុន សែន បានច្រានចោលការអំពាវនាវនេះ ដោយលើក ឡើងថា វាជាតួនាទីរបស់ប្រទេសអភិវឌ្ឍន៏ មិនសម្រាប់ប្រទេសកំពុងអភិវឌ្ឈន៏ដូច កម្ពុជាត្រូវធ្វើទេ ។ ការនេះបានបង្ហាញឲ្យឃើញយ៉ាងច្បាស់ថា កម្ពុជាពុំមានឆន្ទៈក្នុងការចូលរួម ទប់ស្កាត់បញ្ហាបរិស្ថាន ដែលមនុស្សជាតិនៅលើពិភពលោក កំពុងតែព្រួយបារម្ភឡើយ ។
ថែមលើនេះទៀតថ្លែងនៅក្នុងពិធីសម្ពោធបើកឲ្យប្រើប្រាស់រោងចក្រវារីអគ្គិសនី កំចាយ គ្រប់គ្រងដោយក្រុមហ៊ុនចិន ឯខេត្តកំពតកាលពីថ្ងៃព្រហស្បតិ៏ម្សិលមិញ ហ៊ុន សែន បានធ្វើការវាយបក ទៅកាន់ក្រុមដែលត្រូវបានហៅថា ” ពួកអ្នកបរិស្ថាននិយមជ្រុល ” ថាការរិៈគន់របស់ពួកគេមកលើបញ្ហាបរិសា្ថននៅកម្ពុជា គឺជាការ មើលដើមឈើតែមួយដើម ដោយពុំបានសម្លឹងមើលព្រៃឈើទាំងមូល ។
ប៉ុន្តែយ៉ាងណាក៏ដោយ ការលើកឡើងដដែៗរបស់នាយករដ្ឋមន្ត្រីខ្មែររូបនេះ ត្រូវបានគេមើល ឃើញថា គ្រាន់តែជាវិធីកាត់បន្ថយសម្ពាធរិៈគន់ជាសាធារណៈមួយប៉ុណ្ណោះនៅពេលដែលគេដឹងថាមានគម្រោងដែលធ្វើឲ្យប៉ះពាល់ដល់បរិសា្ថនជាច្រើនត្រូវបាន ហ៊ុន សែន ស៊ីញ៉េដោយគ្មានសាញផ្ដល់ឲ្យក្រុមហ៊ុន បរទេស ។ ក្នុងនោះមានដូចជា គម្រោងសាងសង់ទំនប់វារីអគ្គិសនីនៅទន្លេសេ សានក្នុងខេត្ត ស្ទឹង ត្រែង , គម្រោងបង្កើតរោងចក្រអគ្គិសនីដើរដោយធ្យូងថ្មនៅខេត្តកំពង់សោមជា ដើម ។
ពាក់ព័ន្ធដល់គម្រោងសាងសង់ ទំនប់វារីអគ្គិសនីសេសានកន្លងមក ធ្លាប់ត្រូវបានរិៈគន់យ៉ាងចម្រូងចម្រាស់ពីសហគមន៍ពលរដ្ឋខ្មែរ រស់តាមដងទន្លេសេសាន ដែលដោយសាតែទំនប់នេះបាន ឲ្យមានការបម្លាស់ទីរបស់ត្រី ទឹកឡើងពណ៌ខៀវមិនអាចប្រើប្រាស់សម្រាប់មនុស្សនិងសត្វពាហនៈបាន ហើយជាបន្តបន្ទាប់ពលរដ្ឋទាំងនោះបានផ្លាស់ប្ដូរលំនៅដ្ឋានរបស់គេចេញ ។ចំណែកប្រជាពលរដ្ឋដែលរស់នៅតាមដងស្ទឹង កំចាយ ក្នុងខេត្តកំពតវិញ ក៏បានត្អូញត្អែរឲ្យដឹងផងដែរថា តាំងតែពីក្រុមហ៊ុន ចិន ចាប់ផ្ដើមសាងសង់ទំនប់វារីអគ្គិសនីនៅទីនេះ ទឹកស្ទឹង បានប្រែពណ៌ទៅជាខៀវ មានជាតិ កំបោរ មិនអាចប្រើប្រាស់ បានទេ …។
វាជាការមើលឃើញដូចគ្នាពីគ្រោះថ្នាក់ដល់បរិស្ថានសម្រាប់មនុស្សជាតិនិងពិភពលោក កាលពីសប្ដាហ៏កន្លងទៅថ្មីៗនេះ ព្រឹទ្ធសភាអាមេរិក បានចេញសេចក្ដីសម្រេចមួយ ហាមមិនឲ្យធនាគារទាំងអស់របស់ខ្លួន ផ្ដល់ឥណទានសម្រាប់គម្រោងសាងសង់ទំនប់វារីអគ្គីសនី សាយ៉ាបូរី នៅភាគខាងជើងប្រទេសលាវ ។ ដែលវាបានបង្ហាញឲ្យឃើញថា ជំហររបស់ ហ៊ុន សែន ទាក់ទងទៅនឹងបំរាមស្ដីពីបរិស្ថាននៅពេលនេះ កំពុងតែបានប្រឆាំងយ៉ាងធ្ងន់ធ្ងរទៅនឹងបំណងប្រាថ្នា របស់មនុស្សជាតិទូទាំងពិភពលោក ៕
No comments:
Post a Comment