ធនាគារពីប្រទេសយួនបន្តពង្រីកខ្លួននៅកម្ពុជា
ធនាគារខ្នាតធំមួយពីប្រទេសយួន បានបង្ហាញវត្តមានរបស់ខ្លួន នៅ ក្នុងទីផ្សារហិរញ្ញវត្ថុ កម្ពុជា កាលពីថ្ងៃអង្គារម្សិលមិញ ដែលធ្វើឲ្យធនាគារពីប្រទេសនេះកើនដល់ចំនួន៤ហើយនៅកម្ពុជា ។
សញ្ញា សម្គាល់ MB
ក្នុងពិធីសម្ពោធនៅអគារភ្នំពេញ ថាវវើល Military Bank (MB)ដែលជាធនាគារទី៤របស់យួននេះបានឲ្យដឹងថា ខ្លួនបានចុះបញ្ជីដើមទុន៣៩លានដុល្លារ នៅធនាគារជាតិ ហើយថា (MB) មានគម្រោងផ្ដល់ប្រាក់កម្ចី ចំនួន ២០០លានដុល្លារ ក្នុងរយៈពេល១២ខែក្រោយ ។
លោក Le Cong អគ្គនាយក MBបានឲ្យក្រុមអ្នកកាសែតដឹងថា ” យើងគិតថា បរិយាកាស កម្ពុជាពិតជាល្អខ្លាំងណាស់ ហើយទីនេះ នៅមានឱកាសរីកចម្រើនទៅមុខទៀត នាពេលអនាគត ” ។
មានការកត់សម្គាល់ថា ភាគច្រើនសកម្មភាពរបស់ធនាគារនៅក្នុងប្រទេសកម្ពុជាត្រូវបានចងភ្ជាប់ដោយចំណែកចំណងនយោបាយ ។ ប្រាក់កម្ចីភាគច្រើនដែលធនាគារផ្ដល់ឲ្យទៅប្រជាពលរដ្ឋ ត្រូវតែឆ្លងកាត់ដៃ មេឃុំ ឬ មេភូមិ ជាមនុស្សរបស់បក្សប្រជាជន ដែលវាបានបង្ហាញឲ្យឃើញពីឥទ្ធិពលនយោបាយ ទៅ លើប្រជាពលរដ្ឋដែលត្រូវការសេវាពីធនាគារទាំងនោះ ។
លោក គង់ គាំ ប្រធានស្ដីទី គណបក្សសមរង្ស៊ី ធ្លាប់បានថ្លែងពីការកត់សម្គាល់បែបនេះជាសាធារណៈ ថា បច្ចុប្បន្នយួន ឈប់ប្រើប្រាស់កម្លាំងទ័ពមកយកកម្ពុជាហើយ ប៉ុន្តែគេប្រើ ពាណិជ្ជកម្ម និង ហិរញ្ញវត្ថុ ដើម្បីបានកម្ពុជា ៕
No comments:
Post a Comment