KHMER7THKING: គួរបន្តទុកការដឹកនាំប្រទេសតាមបែបព្រៃទៅទៀតឬយ៉ាងណា

” ប្រទេសមានច្បាប់ ” នេះជាប្រយោគដែលគេតែងតែឮក្នុងសង្គមខ្មែរជាយូរមកហើយ ប្រយោជន៏ដើម្បីជាការពញាក់ស្មារតី ដាសសតិ ដល់ជនទាំងឡាយណាដែល បម្រុងប្រើប្រាសអំពើផ្ដេសផ្ដាស ឃោរឃៅ ឲ្យនឹកឃើញដល់ច្បាប់ ។ ច្បាប់គឺជាបញ្ញត្តិក្រឹត្យក្រមដែលកើតឡើងដោយក្រុមអ្នក តំណាងរបស់ប្រជាពលរដ្ឋ ដែលគេស្គាល់ថា សភា ក្នុងបំណងអប់រំប្រដៅមនុស្សឲ្យប្រព្រឹត្តិល្អ ។ការចេះគោរពច្បាប់បានធ្វើឲ្យសង្គមមនុស្ស ក្លាយជាមនុស្សពិតប្រាកដ ។ហើយប្រទេសដែលគោរពច្បាប់គេហៅថា នីតិរដ្ឋ ឬ រដ្ឋដែលប្រើប្រាសច្បាប់ជា មូលដ្ឋាន ។

ពាក្យទាំងនេះថ្វីត្បិតតែជនកម្ពុជាភាគ ច្រើនធ្លាប់បានឮ ធ្លាប់បានស្ដាប់ ប៉ុន្តែគេហាក់ដូចជាពុំដែលយល់ពីតម្លៃពិតប្រាកដរបស់វា ឡើយ ។ ផ្ទុយទៅវិញអ្វីដែលពលរដ្ឋខ្មែរ បានដឹងយ៉ាងច្បាស់នោះគឺច្បាប់ ស្ថិតនៅលើបបូរមាត់របស់អ្នកមានអំណាច ច្បាប់នៅលើអ្នកមានលុយ ច្បាប់នៅលើចុងកាណុង…។ នេះគេមិនហៅថាច្បាប់ទេ គេហៅថា ” ព្រៃឬសត្វ ” ឬ និយាយឲ្យងាយស្ដាប់ច្បាប់ព្រៃ ។ ដូច្នេះកម្ពុជារហូតមកដល់ពេលនេះ នៅបន្តគ្រប់គ្រងតាមរបៀបសត្វ របៀបព្រៃនៅឡើយ ។ហើយនៅក្នុងស្ថានភាពដែលអ្នកមានអំណាច មានលុយ មានកាំភ្លើង អាចធ្វើអ្វីបានស្រេចតែចិត្តនោះ នោះបញ្ជាក់បានថា សង្គមខ្មែរ គ្មានទេយុត្តិធម៌ ហើយប្រជាពលរដ្ឋក្រីក្រ ទន់ខ្សោយ ដែលមានចំនួនច្រើនក្នុងសង្គមគឺរង់ចាំតែទឹកភ្នែកទៅ !។
ការប្រើប្រាសចុងកាំភ្លើង បាញ់ប្រហារ គម្រាមកំហែង បំបាក់ស្មារតីប្រជាពលរដ្ឋ គឺជាវិធីព្រៃផ្សៃ ឃោរឃៅប្រកបដោយភាពស្អប់ខ្ពើមបំផុត ។ គ្រាន់តែចាប់ផ្ដើមបើកទំព័រឆ្នាំរោង ជាឆ្នាំដែលសូម្បីតែ ហ៊ុន សែន ក៏ទទួលស្គាល់ថា ជាមហាឧបទ្រពចង្រៃរួមរឹតដោយទឹកជំនន់ធំនេះ មិនដល់២ខែស្រួលបួលផង គឺពីខែមករា មកដល់ខែ កុម្ភះ មានករណីអ្នកកាន់កាំភ្លើង ស៊ីឈ្នួលឲ្យពួកក្រុមហ៊ុនឈ្មួញនាយទុន ធ្វើការបាញ់រះទៅលើពលរដ្ឋនិងកម្មករ រហូតដល់ពីរដងទៅហើយ ។គឺកាលពីខែ មករា ពួកអ្នកស៊ីឈ្នួលទាំងនោះ បានបាញ់រះទៅលើប្រជាពលរដ្ឋដែលតវ៉ារឿងដីធ្លីនៅស្រុកស្នូលខេត្ត ក្រចេះ ហើយកាលពីថ្ងៃទី ២០ កុម្ភៈថ្មីៗ នេះ គឺការបាញ់ទៅលើហ្វូងកូដករ នៅក្រុងបាវិត ខេត្ត ស្វាយរៀង ដែលបណ្ដាលឲ្យកម្មការរិនីយ៉ាងហោចណាស់៣នាក់ រងរបួសជាទម្ងន់ ។
អ្នកបាញ់កម្មកររោងចក្រវាយនភ័ណ្ឌនោះ ត្រូវបានគេស្គាល់អត្តសញ្ញាណ គឺជាបុរសម្នាក់ ដែលបានដើរចូលទៅក្នុងហ្វូងកម្មករ និងមានអង្គរក្សហែរហមទៅជាមួយផង ។បន្ទាប់ពីការបាញ់ គេបានដើរចូលក្នុងឡានហើយបើកចេញទៅ ដោយសុវត្ថិភាព ។
ករណីនេះ ត្រូវបានគេចោទសួរថា តើអ្នកណាដែលមានសិទ្ធិប្រើប្រាសកម្លាំងអង្គរក្ស និង មានកាំភ្លើង ? ហេតុអ្វីក៏គេអាចដកខ្លួនចេញពីកន្លែងកើតហេតុដោយសុវត្ថិភាពបាន ?
ប្រភពជាច្រើនពីមន្ត្រីរដ្ឋាភិបាលបានឲ្យដឹងថា ភ្លាមៗនោះ ជនដៃដល់បានជិៈរថយន្តមកកាន់ទីក្រុងភ្នំពេញ ដើម្បីស្វះស្វែង រកកិច្ចអន្តរាគមន៏ ហើយបន្ទាប់មកបានត្រឡប់ទៅកាន់ក្រុងបាវិតវិញ។
ប៉ុន្តែកាលពីសប្ដាហ៏កន្លងទៅ សរ ខេង រដ្ឋមន្ត្រីក្រសួងមហាផ្ទៃ បានឲ្យដឹងថា ខ្លួននឹងស្វែងរកចាប់ជនឃោរឃៅនោះ យកមកផ្ដន្ទាទោសតាមច្បាប់ ។ យ៉ាងណាក៏ដោយលោក មឿង តុលា ប្រធានមជ្ឈមណ្ឌលអប់រំច្បាប់សម្រាប់សហគមន៏ ដែលជាអង្គការសង្គម ស៊ីវិលបានអះអាងថា ករណីនេះក្រសួងមហាផ្ទៃបានដឹងយ៉ាងច្បាស់ណាស់ ថា ជនដៃដល់នោះជានណា ? ដោយថែមទាំងបានព្រមានថា នឹងមានការកៀរគរ បណ្ដាអង្គការសង្គមស៊ីវិលទាំងក្នុងនិងក្រៅស្រុកដើម្បីបើក យុទ្ធនាការទាមទារឲ្យមានការដាក់គំនាប លើការ នាំផលិតផល វាយនភ័ណ្ឌចេញរបស់ប្រទេសកម្ពុជាបើសិនជារកជនដៃដល់មិនឃើញ ។
ឥរិយាបទបែបនេះរបស់រដ្ឋាភិបាលបានបង្ហាញឲ្យឃើញថា រដ្ឋាភិបាលនេះពុំមានឆន្ទះ ពុំមានការតាំងចិត្តទាល់តែសោះ ក្នុងការធ្វើខ្លួនឲ្យ ទៅជានីតិរដ្ឋ ។ពោលគឺនៅតែបន្តទុកឲ្យប្រទេសក្រីក្រមួយនេះញាំញី ដោយអំពើព្រៃផ្សៃ ដែលអ្នកមានអំណាច អ្នកមានចុងកាណុងគឺជាអ្នកឈ្នះ។
ប៉ុន្តែពេលនេះ ប្រាកដណាស់ហើយថា កម្ពុជាកំពុងតែត្រូវការ ការកាំទ្រពីពិភពលោកចាំបាច់ណាស់ ទាំងការឧបត្ថម្ភ ជា ជំនួយ ឬ ក៏កម្ចីផ្សេងៗ ជាពិសេសនោះគឺការចង់ឲ្យមានការគាំពារ ខ្លួន ជាសមាជិកមិនអចិន្ត្រី នៃ ក្រុមប្រឹក្សាសន្តិសុខរបស់អង្គការសហប្រជាជាតិ ។ បើដូច្នេះ កម្ពុជាគួរតែពិចារណាឡើងវិញថា តើគួរបន្តទុកការដឹកនាំ តាមបែបព្រៃផ្សៃតទៅទៀតឬយ៉ាងណា ? ៕

KHMER7THKING

Friday, March 2, 2012

គួរបន្តទុកការដឹកនាំប្រទេសតាមបែបព្រៃទៅទៀតឬយ៉ាងណា

No comments:

Post a Comment

Watch Show about Khmers

Friday, March 2, 2012

គួរ​បន្ត​ទុក​ការ​ដឹកនាំ​ប្រទេស​តាម​បែប​ព្រៃ​ទៅ​ទៀត​ឬ​យ៉ាងណា

No comments:

Post a Comment

Watch Show about Khmers

គួរបន្តទុកការដឹកនាំប្រទេសតាមបែបព្រៃទៅទៀតឬយ៉ាងណា