ប៉ូលិស​យួន​​វាយ​អ្នក​សារព័ត៌​ពីរ​នាក់​ដែល​ជា​សាក្សី​ក្នុង​ព្រឹត្តិការណ៏​​បណ្ដេញ​កសិករ

ដោយ​បាន​​ស្រង់ ​ចេញ​ពី​បណ្ដាញ​ព័ត៌​មាន​ក្នុង​ប្រទេស​យួន​ WSHINGTON POST ​បាន​ឲ្យ​ដឹង​​ថា ​​នគបាល​សន្តិសុខ​ប្រទេស​​យួន​បាន​វាយ​ដំ​លើ​អ្នក​យក​ព័ត៌​មាន​ពីរ​នាក់ ដែល​បំរើ​ការ​នៅ​វិទ្យុ​ជាតិ​យួន​ ខណៈ​ដែល​អ្នក​កាសែត​ទាំង​ពី​រូប​នោះ កំពុង​ព្យាយាម​​យក​ព័ត៌​មាន​អំពី​ការ​ បណ្ដេញ កសិករ ចេញ​​ពី​ដី​របស់​ពួក​គាត់ សម្រាប់​ការ​អនុវត្តន៏​គម្រោង​សាងសង់​​លំនៅ​ដ្ឋាន ដែល​នេះ​​គឺ​ជា​​ការ​បណ្ដេញ​ចេញ ទ្រង់ទ្រាយ​ធំ ។
លោក ង្វៀន ង៉ុកណាំ (Nguyen Ngoc Nam) ប្រធាន​ក្រុម​ព័ត៌​មាន​ផ្នែក​នយោបាយ​​និង​សេដ្ឋកិដ្ឋ​នៅ​វិទ្យុ​សម្លេង​យួន​ និង​លោក ហាន់ ហ្វីឡុង (Han philong) បាន​ចេញ​មុខ​ក្នុង​សប្ដាហ៏​នេះ ដើម្បី​រៀបរាប់​ពី​អ្វី​ដែល​លោក បាន​​ឃើញ ។ លោក ណាំ បាន​ប្រាប់​កាសែត​​ជន​បទ​ថ្ងៃ​នេះ (Today’s Countryside newspaper)​ថា ” ខ្ញុំ​និង​សហការី​របស់​ខ្ញុំ​ជា​អ្នកយកព៏ត៌​មាន ។ យើង​ជា​អ្នក​យកព័ត៌​មាន​ដែល​កំពុង​បំពេញ​ភារកិច្ច របស់​យើង ហេតុអ្វី​បាន​ជា​លោក​វាយ​ពួក​យើង​​ ? “ ។
ព្រឹត្តិការណ៏​បណ្ដេញ​កសិករ​ជា​ ទ្រង់ទ្រាយ​ធំ​នេះ ត្រូវ​បាន​គេ​ថត​ជា​វីដេអូ និង​បាន​ផ្សព្វផ្សាយ​តាម​​វីដេ​អូយូធូប (You Tube) ។ ក្នុង​រូបវីដេ​អូ​នេះ​បង្ហាញ​ កង​នគបាល​និង​ក្រុម​សន្តិសុខ កំពុង​វាយដំ​និង​ធាក់បុរស​ពីរ​នាក់​​​ដែល​មាន​ពាក់​មួក​សុវត្ថិភាព​ និង​វាយ​ពួក​គាត់​​ដោយ​ដំបង អំឡុង​ព្រឹត្តិការណ៏​បណ្ដេញ​កសិករ ចេញ​ពីដីធ្លី កាល​ពី​ខែ​មុន ៕